Օր 1 – Հույզերի վրա կենտրոնացված թերապիայի հիմունքներ
Օր 1-ը նվիրված է ժամանակակից հույզերի տեսության՝ Հույզերի վրա կենտրոնացված թերապիայի շրջանակում ընկալված, ամուր գաղափարական և փորձառական հիմքի ձևավորմանը։ Մասնակիցները կզարգացնեն նրբազգաց ըմբռնում հուզական արձագանքների տարբեր տեսակների վերաբերյալ՝ առաջնային ադապտիվ, առաջնային ոչ ադապտիվ, երկրորդային և գործիքային հույզերի, ինչպես նաև դրանց դերի մասին հոգեբանական գործառույթների և տառապանքի մեջ։

Կենտրոնական ուշադրություն է դարձվելու այն հարցին, թե ինչպես է թերապևտիկ էմպատիան նպաստում արդյունավետ հուզական մշակմանը։ EFT-ի տեսանկյունից էմպատիկ համընկնումը ոչ միայն հարաբերական բնույթ ունի, այլև ուղղորդում է գործընթացը․ այն օգնում է այցելուին մուտք գործել, սիմվոլիզացնել, կարգավորել և վերափոխել իր հուզական փորձառությունը։ Այս մեխանիզմների ըմբռնումը կազմում է EFT պրակտիկայի հիմքը և աջակցում է թերապևտներին՝ նպաստելու իմաստալից հուզական փոփոխությանը։

Օր 2 և Օր 3 – EFT-ի ադապտացիան դեռահասների հետ աշխատանքի համար (EFT-Y մոդել)
EFT-Y-ի զարգացումը պայմանավորված է եղել թերապևտիկ մոտեցումների շրջանակը ընդլայնելու նպատակով՝ ինչպես այցելուների, այնպես էլ թերապևտների համար՝ առաջարկելով աճի և վերականգնման ևս մեկ իմաստալից ուղի։

EFT-Y-ում հիմնական շեշտադրումը դրվում է հուզական գործընթացների և ոչ վերբալ (իմպլիցիտ) գործընթացների վրա։

Հուզական գործընթացները և դրանց խաթարումները դիտարկվում են որպես դեռահասների և նրանց ընտանիքների տառապանքի հիմնական աղբյուր։ Թերապևտը՝ համագործակցելով ինչպես դեռահասի, այնպես էլ նրա խնամողների հետ, աշխատում է վերականգնել հույզերի առողջ հոսքը, որպեսզի դրանք կրկին կարողանան գործել որպես ադապտիվ կողմնացույց՝ օգնելով կողմնորոշվել հուզական և հարաբերական կյանքի բարդությունների մեջ։

Ոչ վերբալ գործընթացները դիտարկվում են որպես դեռահասի ներաշխարհ մուտք գործելու կարևոր դարպաս։ Դրանք տրամադրում են էական հուշումներ, որոնք ուղղորդում են թերապևտին՝ հասկանալու, թե որտեղ է կենտրոնացած հիմնական ցավը և ինչպես շարժվել դեպի թեթևացում։ Սա հատկապես կարևոր է, քանի որ դեռահասները հաճախ դժվարանում են ճանաչել, ձևակերպել կամ սիմվոլիզացնել իրենց հուզական փորձառությունը։ Նույնիսկ երբ հույզերը դեռևս լիովին գիտակցված կամ վերբալացված չեն, տառապանքը իրական է, և ոչ վերբալ արտահայտությունները ծառայում են որպես կարևոր ցուցիչներ՝ մատնանշելով այն։ 

Ամսաթվեր և գրանցման վճար

27, 28, 29 Օգոստոս, 2026 
10:00 – 18:00

Առցանց՝ Zoom հարթակում

Վճար՝ 170,000 ՀՀ դրամ

Վերապատրաստման բովանդակության ընդհանուր ակնարկ 🧠💗

Օր 1․

1. EFT-Y ընդհանուր ակնարկ 
2. Հիմնական հասկացություններ և տեսություն՝
   ○ EFT-Y-ի տեսական հիմքերը
   ○ Հույզերի ժամանակակից ըմբռնում՝ առաջնային ադապտիվ, առաջնային ոչ ադապտիվ, երկրորդային և գործիքային հույզեր
   ○ Փորձառական աշխատանք հույզերի հետ՝ պահ առ պահ գործընթացի դիագնոստիկա
   ○ Առաջադրանքներ և մարկերներ EFT-ում՝ թերապևտիկ «GPS»
   ○ Հուզական վերափոխումը՝ որպես փոփոխության հիմնական մեխանիզմ 

Փորձառական պրակտիկա (խմբային աշխատանք)՝
Զգայունության հատուկ ալիքների բացում դեռահասների հետ աշխատանքի մեջ 

Օր 2․

1. EFT-Y խորությամբ․ փորձառական ուղի
2. Աշխատանք ոչ վերբալ (իմպլիցիտ) գործընթացների հետ 😶
3. Հույզերի ակտիվացում և գերազանցող աֆեկտի կարգավորում 

Փորձառական պրակտիկա՝
● (տրիադներ) էմպատիկ համընկնման ուսուցում
● (զույգերով)
○ Աթոռի տեխնիկա դեռահասների հետ (9–18 տ.) 🪑
○ Աշխատանք հուզական ինքնախափանման գործընթացների հետ 💔

• Ընդլայնված էմպատիկ հմտություններ 
• EFT-Y գործընթացի ներկայացում ընդհանրացված անհանգստության խանգարման (GAD) օրինակով 
• Հուզական սքիմներ․ ինչ են դրանք և ինչու են կարևոր 

Օր 3. 

1. Աթոռի տեխնիկայի շարունակական փորձառական պրակտիկա 
2. Հույզերի մշակում աթոռի աշխատանքում՝
   ○ Հուզական ինքնախափանման գործընթացներ
   ○ Ինքնության ներսում կոնֆլիկտային բաժանումներ
   ○ «Ծնողը որպես վկա» (երևակայական նշանակալի այլ)
   ○ Հիմնական հուզական ցավի հասանելիություն՝ վկայության միջոցով
   ○ Խոցելիության բաժանումներ
   ○ Անավարտ գործեր նշանակալի մեծահասակների հետ և աշխատանքի բացում ծնող-երեխա դիադում 
3. Փորձառական վարժություններ՝
   Հուզական ինտենսիվության հարմարեցում դեռահասի զարգացման մակարդակին 
4. EFT-Y-ի առավելություններն ու մարտահրավերները 
5. Ծնող-երեխա դիադի հետ աշխատանքի նպատակները EFT-Y-ում 

Փորձառական պրակտիկա (զույգերով)՝
● Աթոռի աշխատանք՝ ինքնության ներսում կոնֆլիկտային բաժանումներ

Փորձառական պրակտիկա (զույգերով)՝
● Աթոռի աշխատանք՝
○ «Ծնողը որպես վկա»
○ Աշխատանք երևակայական խնամողների հետ
○ Անավարտ գործեր նշանակալի մեծահասակների հետ

Ի՞նչ ձեռք կբերեք 🤔

● Լայնածավալ գործնական, փորձառական պրակտիկա
● Հույզերի վրա կենտրոնացված թերապիայի հիմնական սկզբունքների խորքային ըմբռնում
● Մարկերներն ու առաջադրանքները արդյունավետ կիրառելու կարողություն՝ որպես թերապևտիկ «GPS» EFT-Y-ում
● Գործնական հմտություններ հույզերի ակտիվացման հետ աշխատանքի մեջ և էմպատիայի կիրառման՝ որպես փոփոխության մեխանիզմ
● Հստակ ըմբռնում, թե ինչպես ադապտացնել EFT-ը դեռահասների հետ աշխատանքի համար, ներառյալ՝
○ Զարգացման առանձնահատկությունները երեխաների և դեռահասների շրջանում
○ Համակարգային մոտեցում՝ ներառյալ ընտանիքների և ծնող-երեխա հարաբերությունների հետ աշխատանքը

Կրիստոֆ (Քրիս) Բտաժեյևսկի, մագիստրոս (MA)

Կրիստոֆ (Քրիս) Բտաժեյևսկին հոգեբան է և հավաստագրված հումանիստական-փորձառական հոգեթերապևտ, որը գործունեություն է ծավալում Լեհաստանի Վարշավա քաղաքում։ Նա ձեռք է բերել կլինիկական փորձ դեռահասների հոգեբուժական-հոգեթերապևտիկ բաժանմունքներում և նախկինում աշխատել է Լեհաստանի ամենամեծ հոգեբուժական հիվանդանոցի հոգեբուժական և հոգեթերապևտիկ բաժանմունքներում։ Ներկայումս վարում է մասնավոր հոգեթերապևտիկ պրակտիկա Վարշավայում՝ հիմնականում աշխատելով ընտանիքին հարակից համատեքստերում՝ դեռահասների, խնամողների, համատեղ ծնողների, զույգերի և ամբողջական ընտանիքների հետ։

Քրիսը զարգանում է Հույզերի վրա կենտրոնացված թերապիայի (Լ. Գրինբերգ) շրջանակում և աշխատում է EFT-ի տարբեր ուղղություններով՝ անհատների, զույգերի, դեռահասների և ընտանիքների հետ։ Իր սուպերվիզիոն, ուսուցողական և կլինիկական աշխատանքում նա շեշտադրում է այնպիսի պայմանների ստեղծումը, որոնք նպաստում են աճին ոչ միայն գիտելիքների և հմտությունների մակարդակում, այլ նաև «ավելի լավ զգալու կարողության» ձևավորման մեջ։

Նա ինտեգրում է դիալեկտիկ-կոնստրուկտիվիստական դիրքորոշում՝ կարևորելով ամուր դեպքի ձևակերպումը սեանսներից դուրս, և համադրում այն սեանսի ընթացքում խոր էմպատիկ համընկնման հետ՝ հատուկ ուշադրություն դարձնելով էմպատիկ ռեզոնանսին։

Բացի EFT-ի նա դիմում է նաև Focusing-Oriented Therapy-ին, որը ձևավորում է նրա գործընթացային զգայունությունը՝ պահ առ պահ ուշադրությունը սեանսների ընթացքում։ Նա նաև զարգանում է Attachment Narrative Therapy (ANT)-ում, որը միավորում է համակարգային, կցվածության և նարատիվ մոտեցումները․ այս երեք մակարդակներում համընկնումը բարձրացնում է զգայունությունը ընտանիքային հարաբերությունների, կցվածության պատմությունների և ընտանիքների կառուցած իմաստաստեղծ նարատիվների նկատմամբ։ Իր աշխատանքում Քրիսը առանձնահատուկ կարևորություն է տալիս հարաբերական թերապևտիկ ներկայությանը՝ որպես այն նախապայմանի, որը հնարավորություն է տալիս հանդիպմանը դառնալ իրականում բուժիչ և աճին նպաստող։

Նա մեծ նվիրվածությամբ աջակցում է սուպերվիզիան անցնող մասնագետների մասնագիտական զարգացմանը՝ ամրապնդելով նրանց արդյունավետության զգացումը և վստահությունը սեփական ներքին փորձառության նկատմամբ՝ որպես թերապևտների, քանի որ հենց նրանք են, ովքեր նստում են այցելուի դիմաց և ուղեկցում նրան փոփոխության ճանապարհին։

Ընտրված վերապատրաստումներ և հավաստագրումներ (ISEFT)
● Հույզերի վրա կենտրոնացված թերապիա դեռահասների համար — հավաստագրված թերապևտ, սուպերվիզոր և թրեյներ
● Հույզերի վրա կենտրոնացված թերապիա ընտանիքների համար — հավաստագրված սուպերվիզոր
● Հույզերի վրա կենտրոնացված թերապիա անհատների համար — հավաստագրված թերապևտ
● Հույզերի վրա կենտրոնացված թերապիա զույգերի համար — հավաստագրված թերապևտ