Հուլիսի 2–3-ին EFT ARMENIA-ն պատիվ ունեցավ մասնակցելու International Society for Emotion-Focused Therapy-ի 5-րդ երկամյա կոնֆերանսին, որը կայացավ Բուխարեստում, Ռումինիայում և կազմակերպվել էր Institutul de Psihoterapie Experiențială Focalizată pe Emoții-ի կողմից։

Ավելի քան 500 մասնակիցներով այս կոնֆերանսը առանձնահատուկ բնույթ ունեցավ՝ տարբերվելով նախորդ չորս հանդիպումներից։ Այն միավորել էր աշխարհի տարբեր երկրներից ժամանած պրակտիկ մասնագետների, հետազոտողների և EFT համայնքի ներկայացուցիչների։ Հատկապես արժեքավոր էր Գեշտալտ, Անձնակենտրոն և այլ թերապևտիկ մոտեցումների մասնագետների ներկայությունը, ինչը ստեղծեց հարուստ մասնագիտական երկխոսության և միջմոդելային համագործակցության միջավայր։

Երկու հագեցած և ոգեշնչող օրերի ընթացքում մենք ուսումնասիրեցինք Հույզերի վրա կենտրոնացված թերապիայի զարգացումը, դրա կիրառությունների ընդլայնումը և այն մասնագիտական ու անձնական ուղիները, որոնք ձևավորում են մեր աշխատանքը որպես թերապևտներ։ Ավելի քան 50 բանախոսներով և բազմաբովանդակ գիտական ծրագրով կոնֆերանսը ներկայացրեց խորքային զեկույցներ, արդի հետազոտություններ և EFT-ի ոլորտում նոր զարգացումներ։

Ակադեմիական բովանդակությունից բացի, կոնֆերանսը դարձավ վերամիավորման, անդրադարձի և համատեղ աճի հզոր հարթակ միջազգային EFT համայնքի համար։

Բացի այդ, EFT ARMENIA-ն մասնակցեց կառուցվածքային մասնագիտական քննարկման Ladan Safvati-ի՝   Հարավային կալիֆորնիայի, SoCal Institute-ի տնօրեն, հետ՝ Հույզերի վրա կենտրոնացված թերապիայի կիրառման վերաբերյալ կախվածքային վարքագծերի և նյութերի օգտագործման բուժման ոլորտում։ Այս քննարկումը կարևոր քայլ էր միջազգային համագործակցության և փորձի փոխանակման ուղղությամբ՝ հատկապես կախվածությունների ոլորտում EFT մոտեցման զարգացման համատեքստում։

EFT ARMENIA-ի համար այս համաշխարհային միջոցառմանը մասնակցությունը ևս մեկ կարևոր քայլ է՝ ամրապնդելու մեր կապը միջազգային մասնագիտական ցանցի հետ և Հայաստանում ներկայացնելու Հույզերի վրա կենտրոնացված թերապիայի նորագույն զարգացումները։